La Bitoteko, cifereca portalo de la Biblioteko Juan Régulo Pérez, posedata kaj mastrumata de HispanaEsperanto-Federacio, ĵus transpaŝis gravan etapon de sia disvolviĝo. Dank’al la konstanta laboro de Ana Manero, la metadatumoj estis kunfanditaj laŭ la protokolo de Europeana kaj estas nun alireblaj pere de la tuteŭropa portalo lanĉita en 2008.
Tous les articles par Militrakonto
Litova savinto de judoj
Antanas Poška (1903–1992) estas konata litova antropologo kaj esperantisto. Lerninte Esperanton en 1913, li partoprenis la Universalan Kongreson en Nürnberg (1923) kaj la SAT-Kongreson en Leningrado (1926). Ĝis 1929 li nomis sin Paškevičius. Continuer la lecture de Litova savinto de judoj
Polaj Esperantistoj kiel lokaj Internaciistoj (1880-1930)
La 27-an de oktobro je la 14:00 Dr. Bernhard Struck kaj Marcel Koschek (Universitato St. Andrews) prezentos rete prelegon pri “Polaj esperantistoj kiel lokaj internaciistoj. La Esperanto-movado en centra kaj orienta Eŭropo (1880-aj jaroj ĝis 1930)“. La prelego en la germana, kun pollingva traduko, estos spektebla ĉe la zoom kanalo de la germana historia instituto de Varsovio :
Spekteblas prelegoj pri Militrakonto
Pro la kronvirusa pandemio granda parto de nia agado devis esti modifita aŭ prokrastita. Sekve ni adaptiĝis al la nunaj komunikaj metodoj. Interalie ni faris du prelegojn pri Militrakonto, faritaj kadre de la SAT-kongreso (La savenda memoro de la laborista movado, de Javier Alcalde) kaj ene de la Internacia Kongresa Universitato (Esperanto kaj la dua mondmilito, de Pascal Dubourg-Glatigny), kiuj spekteblas rete. Pri tiu dua eblas ankaŭ elŝuti la tekston aperintan en la ĉi-jara IKU-libro.
Transnacia historio kiel spacohistorio
Ĉe la Franca Esplorcentro en Prago (CEFRES), Bernhard Struck prelegos pri siaj esploroj rilate al Esperanto-historio, la 14-an de oktobro je la 16:30.
http://www.cefres.cz/en/events/event/transnational_history-2
UEA premias Militrakonton!
En la Solena Fermo de la Virtuala Kongreso de Esperanto (UEA) estis anoncitaj la nomoj de la 14 ricevantoj de la Diplomoj 2020 pri Elstara Agado aŭ pri Elstara Arta Agado. Diplomo estis aljuĝita al Pascal Dubourg Glatigny pro la projekto Militrakonto kies progresoj ŝuldiĝas al intensa kunlaboro de Javier Alcalde, Sophie David, Catherine Gousseff kaj Ulrich Lins sed ankaŭ de ĉiuj kontribuantoj kaj kontribuontoj al nia sliparo, al niaj informperantoj en la tuta mondo kaj al nia kreskanta legantaro. Al ĉiuj koran dankon!
UN 75-jara ĉe Virtuala Kongreso
La UK kiu devintus okazi en Montrealo kaj transiris al reta formulo estas parte dediĉita al la 75-jariĝo de UN. En tiu kadro pluraj eventoj rilatas al la temoj pritraktitaj de Militrakonto. Interalie ĵaŭde la 6-an de aŭgusto (12:00 UTC) okazos Memortago pri Hiroŝimo-Nagasako (kun kontribuoj de Mireille Grosjean kaj OSIOKA Taeko). Krome kadre de la kongresa universitato, Pascal Dubourg Glatigny prelegos lundon la 3-an de aŭgusto (15:00 UTC) pri Esperanto kaj la Dua Mondmilito: postmemora aliro al transnaciaj rakontoj. Informoj kaj aliĝoj : https://vk.mondafest.net/
La Pirato komplete ciferigita
Danke al la kunlaboro inter Roland Rotsaert, James Rezende Piton kaj la teamo de Bitarkivo.org, la altkvalita monata revuo La Pirato (1933-1935) estas nun komplete ciferigita je ĉies dispono.
El historia vidpunkto ĝi inkluzivas interesajn (satirajn) tekstojn, kiel tiun ĉi kanton de la Ligo de Nacioj, aperintan en la kajero de Oktobro 1935.
Tiu rezulto estis atingita dank’al kunmetado de pluraj nekompletaj kolektoj (persona kolekto Rezende Piton kaj Fondaĵo Cesar Vanbiervliet en Kortrijk). Metaserĉilo por la esperanto-gazetaro fariĝas ĉiutage pli necesa! Ĝi ebligus fine konsulti kompletajn kolektojn hodiaŭ fizike disigitaj en la mondo.
Legu la tutan kolekton ĉe: https://bitarkivo.org/gazetoj/pirato_la
La lastaj jaroj de Lidja Zamenhof en la korea
La teatra dramo Ni vivos! pri la lastaj tagoj de Lidja Zamehof, filino de la kreinto de Esperanto kaj kiu pereis en Treblinka en 1942, ĵus aperis en la korea lingvo, tradukita de Lee Jungkee. La aŭtoro de la libro estas la bulgara esperantlingva verkisto Julian Modest, pseŭdonimo de Georgi Miĥalkov. Ĝi publikiĝis unuafoje en 1983 en Budapeŝto.
Pliaj informoj: http://esperanto.kr/?p=6568
Ciferigita “El verkoj de E. Lanti”
El verkoj de E. Lanti, 3-voluma kolekto de tekstoj de la SAT-fondinto, estas jam legebla en Vikifontaro, kie iom post iom aldoniĝas klasikaj tekstoj de la Esperanto-literaturo. Respondecis pri ties ciferigo Przemysław Wierzbowski.
Aperis hispanlingva artikolo pri Jaume Grau Casas
La lasta numero de la revuo Humanitat Nova (2020, n.6, p. 55-64) inkluzivas artikolon pri la kataluna esperantisto Jaume Grau Casas kaj liaj travivaĵoj en la francaj koncentrejoj post la hispana milito. La aŭtoro estas Javier Alcalde, ano de la eldona teamo de Militrakonto.
KUL cifereca kolekto
La biblioteko de la Katolika Universitato de Lublino (KUL) ricevis specialan financadon de la Pola Ministero por Scienco kaj Supera edukado por la ciferecigo de sia kolekto de esperanto-dokumentoj. La kolekto estas unu el la plej ampleksaj en Pollando kaj entenas 5000 librojn kaj 736 titolojn de revuoj el la tuta mondo. La kolekto estas traserĉebla kaj alirebla che tiu retpaĝo:
https://dlibra.kul.pl/dlibra/collectiondescription?dirids=182
La momento de vero
Ĵus aperis en esperanto la traduko de la fascina romano de la rusa verkisto Vladimir Bogomolov (1924-2003). Momento de vero (pli ofte konata laŭ la titolo Aŭguste 1944) aperis en 1974 post komplika intertraktado kun la cenzuro. De tiam la verko aperis en dekoj da lingvoj kaj fariĝis klasikaĵo de la spionaj dummilitaj romanoj. Interalie la romano popularigis la dumanan pafmetodon nomitan « Pendulum Tamancev », supozeble inventita de СМЕРШ, kontraŭspiona servo de soveta armeo. La romano miksas historiajn dokumentojn, kolektitaj de Bogomolov dum militservo kaj atentokaptan aventuron en Belaruso, tuj post la liberigo de la teritorio.
La romano estis tradukita de Jurij Finkel kaj eldonita de MAS.
Ĝi estas mendebla ĉe la libroservo de UEA :
https://katalogo.uea.org/katalogo.php?inf=9772
Foto el la filmo Aŭguste 1944 de Mikael Ptaŝuk (2001).
Forpasis du katalunaj veteraninoj
Anna Rosselló (1923-2020) kaj Elena Graells, konata kiel Marisol, (1932-2020) forpasis lastatempe en Katalunio. Anna-n ni pritraktis en Virinoj en milito. Marisol ne aperis ĝis nun en Militrakonto, sed devintus esti menciita kiel kunulino de Germinal Gracia, kun kiu ŝi havis du filinojn en Venezuelo.
Iom pli pri Anna Rosselló kaj ŝia edzo Josep Travesset, ankaŭ esperantisto (katalune): https://www.ccma.cat/tv3/alacarta/identitats/josep-travesset-i-anna-rosello/video/2699830/
Iom pli pri Marisol Graells kaj ŝia familio (hispane): http://www.exiliorepublicano.org/maya_gracia.html
Bildo
Marisol Graells en 2019
Ano de Kristanujo kaj Esperantujo militrifuzas
En oficejon de militpolico en la urbo Okayama en okcidenta parto de Japanujo, la 1an tagon de la oka monato 1943 envenis 33-jaraĝa viro kaj diris, ke li ricevis vokon iri al inspekto de rezervsoldatoj, sed li ne iros, ĉar li rifuzas militservi. Continuer la lecture de Ano de Kristanujo kaj Esperantujo militrifuzas