Prelego: Esther Boquera pri Komisariato pri Propagando de la Kataluna Registaro dum la Hispana Milito (1936-39). Ŝi doktoriĝis en komunikado per tezo pri la agado de tiu Komisariato. Ŝi aŭtoras https://comissariatdepropaganda.cat

Prelego: Frank Mintz pri Hispana revolucio kontraŭ Sovetio. La rezulto de la kontraŭdiro inter la hispana realeco kaj la marksista leninista volo ordoni la mondan proletaran movadon nur povis provoki sangajn sturmojn.

Libro-prezento. Eduardo Vivancos verkis pri Esperanto: Unu lingvo por ĉiuj. Temas pri veterano de la milito ankoraŭ vivanta, ekzilita en Toronto. Partoprenos la kongreson lian fratinon kaj nevinon. La kongreso homaĝos lin en aparta sesio. Tiu eldono estas dulingva (hispane/esperante) kaj inkludas postparolon de J. Alcalde.

Libro-prezento. Sur la fama Batalo ĉe Ebro, la batalo plej longa kaj dura el la milito, kiu igis ambaŭ tendarojn fronte kolizii kaj en kiu la partopreno de la Internaciaj Brigadoj, José Sanchis Sinisterra verkis sian tragikomedion ¡Ay, Carmela!  [Ha, Karmela!] Ĝin esperantigis Miguel Fernández.

Ekskurso al Subirats kaj ĉirkaŭaĵo. Tiu vilaĝo situas en regiono fama pro la kvalito de ĝiaj vinoj. Krome, en tiu vilaĝo situis la lasta defendlinio de Barcelono dum la milito (1936-39). Oni vizitos tranĉeon, forgesitan heredaĵon de la milito. Sekve oni vizitos unikan kaj referencan muzeosistemon pri la eventoj okazintaj la 22an kaj 23an de januaro 1939.

Ekskurso al Moià. Interalie tie oni vizitos Bibliotekon Ramon Molera, kiu lastatempe enretigis kelkajn periodaĵojn pri la Hispana milito. La kompleta kolekto de Popola Fronto nun elŝuteblas ĉe http://bibliotekomolera.org/popolafronto.html

Filmo, substekstigita en Esperanto. En urba kinejo oni spektos Teron kaj Liberon (angle, Land and Freedom), de la brita reĝisoro Ken Loach (1995) rakontas la historion de David Carr, sendunga laboristo kaj membro de la Komunista Partio de Britio, kiu decidas lukti ene de la Internaciaj Brigadoj por la respublika flanko en la Hispana Milito.

Filmo, substekstigita en Esperanto. En urba kinejo oni spektos Nebrideblaj (hispane, Indomables) estas dokumenta filmo pri Mujeres Libres (Liberaj Virinoj), virina organizaĵo de anarkisindikatisma inspiro, kiu aktivis en Hispanio inter 1936 kaj 1939. Ĝi celis helpi la virinon liberiĝi de triobla sklaviteco: malklereco, labora ekspluatado kaj seksa submetiĝo.

Arta spektaklo kaj kant-ateliero: Ni kantu la revolucion, engaĝiĝintaj kantoj fare de Miguel Fernández kaj la koruso de la kongresanoj gvidata de Franjo Martin.

Koncerto de Kaj Tiel Plu. La katalunoj Kaj Tiel Plu prezentos sian repertuaron de popolkantoj el pluraj landoj kaj historiaj periodoj, interalie la hispana milito kaj socia revolucio (1936-1939).  Jen oportuno por aŭskulti (kaj danci) kantojn kiel En la fronto de Gandesa, Anda ĥaleo, Kanto pri la defendo de Madrido ktp.

Koncerto de JoMo. Unu el liaj plej SATecaj albumoj estas tiu kiun li faris kun Irina, Mumu, Poej kaj Gérard, nome: JoMo kaj Liberecanoj (1998). Ĝi inkluzivas kantojn kiel: Al la barikadoj, Maĥnovŝĉino, La eskapinto, Kajuna knabo, La blondulineto, Alumetujo kaj Ĉeboksaro.

Krome, pluraj salonoj estas dediĉataj al esperantistoj, kiuj havas divermaniere rilaton al la milito.